თბილისის განვითარების ფონდმა რუსთაველის გამზირსა და კოსტავას ქუჩაზე შენობების იერსახის რეაბილიტაციისთვის ტენდერები გამოაცხადა. ტენდერები მოიცავს ფასადების გაუმჯობესებას და დაზიანებული სახურავების რეაბილიტაციას რუსთაველის გამზირის მთელ გაყოლებაზე. ახალი ტენდერების მთლიანი ღირებულება 3.3 მილიონი ლარია და ის რუსთაველის გამზირის რეაბილიტაციის ერთ-ერთ ეტაპს წარმოადგენს, რომლის მთლიანი ღირებულებაც 90 მილიონ ლარამდე იქნება.
თბილისის მერის მოადგილის, ირაკლი ბენდელიანის განმარტებით, 2024 წელს რეაბილიტაციის პროექტი მხოლოდ შენობების ფასადების და იერსახის გაუმჯობესებას ითვალისწინებს და სავალ ნაწილზე სამუშაოები დაგეგმილი არაა.
ტენდერები ასე ნაწილდება:
რუსთაველის გამზ. N1 და თავისუფლების მოედანი N6-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – სავარაუდო ღირებულება 374,400 ლარი;
რუსთაველის გამზ. N18, შ. რუსთაველის გამზ. N20, და შ. რუსთაველის გამზ. N22-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 301,000 ლარი;
რუსთაველის გამზ. N24 და შ. რუსთაველის გამზ. N26-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 284,480 ლარი;
ქ. თბილისში, შ. რუსთაველის გამზ. N32, შ. რუსთაველის გამზ. N34, რუსთაველის გამზ. N36, რუსთაველის გამზ. N38 და შ. რუსთაველის გამზ. N40-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 680,000 ლარი;
რუსთაველის გამზ. N44 , შ. რუსთაველის გამზ. N46 და შ. რუსთაველის გამზ. N50-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტის მომზადება სატენდერო პირობების შესაბამისად – 367,000 ლარი;
მ. კოსტავას ქუჩა N3 და მ. კოსტავას ქუჩა N5-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 215,00 ლარი;
მ. კოსტავას ქუჩა N6 (არ არის რეგისტრირებული), მ. კოსტავას ქუჩა N8 (01.15.02.011.013), მ. კოსტავას ქუჩა N10 (01.15.02.011.014) და მ. კოსტავას ქუჩა N12-ში (01.15.02.010.006) მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 347,000 ლარი;
მ. კოსტავას ქუჩა N7, მ. კოსტავას ქუჩა N9,, მ. კოსტავას ქუჩა N11 და მ. კოსტავას ქუჩა N13 -ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 359,000 ლარი;
მ. კოსტავას ქუჩა N17, მ. კოსტავას ქუჩა N19 , მ. კოსტავას ქუჩა N21, მ. კოსტავას ქუჩა N23 და მ. კოსტავას ქუჩა N25-ში მდებარე შენობა-ნაგებობების ფასადებისა და ნაწილბრივი დაზიანებული სახურავის რეაბილიტაციის პროექტი – 424,000 ლარი;
ტენდერებში წინადადებების მიღება 7 თებერვალს იწყება და 12 თებერვალს დასრულდება.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…